تحميل رواية الشرقاوي و الغرباويه كاملة pdf | بقلم تامي الشيخي.

تحميل رواية الشرقاوي و الغرباويه كاملة pdf | بقلم تامي الشيخي .

تحكي علي شاب شرقاوي تغرب وسيب حوشه وخوه مات قدام عيونه ماعندش حد في الدنيا الا اخته..❤

وعلي بنت غرباويه بنت ناس واصله وباتها صاحب أكبر شركات وهلها سايبين..🤦‍♀️❤

نكتبها ولا نفوتهاا حيكونن احداثها مشوقه وتخوف شويه... وحكتون بالغرباوي والشرقاوي...

تامي الشيخي..❤🔥

رواية الشرقاوي و الغرباويه كاملة pdf

رواية الشرقاوي و الغرباويه كاملة pdf  ❤🔥
بقلم تامي الشيخي❤🙈 الحلقه1
شيماء:اهلين وينك ياخرا ايمان:تي انتي وينك لي ساعه نراجي شيماء:اني داخله لي شارعكم هي اطلعي ايمان:هي شيماء:ماتعطليش
صكرت ونزلت
ايمان:امي
ربيعه:خييرك

ايمان:اني ماشيه معا شيماء خبري بوي
ربيعه: يهمك هلباا راي بوك
ايمان:مايهمش هلباا سلام

نعرفكم بيهمم

شيماء بطلة الروايه عمرها 24سنه قاريه انجليزي وتخدم في الشركه معا بوهاا مترجمه للسياح يلي يجوهم من برا..
مواصفاتها:حنطيه قصيره بكل جسمهاا حلوو هلباا عيونها كبار واي حد يشوفها يبي ينشبهاا..

ايمان بنت عم شمياء وصاحبتهاا الانتيم عمرهاا26سنه قاريه طب بس ماكملتش ودخلت ل ادارة اعمال وماسكه ادارة اقسام في شركة العائله..

ربيعه ام ايمان ربت بيت وطالقه بنتهاا ادور ماتندريش علاهاا..

سند:هيا فروحه طولناا واجد
فرح:هي ناخذ الشيتات بس
سند:في السياره انا ماطوليش
فرح:تمام

صكرت الحوش وخذت شيتاتها وطلعت..

سند:اليوم عندي مقابلة عمل انشاءالله يصير منها
فرح:ربي يفتحهاا في وجك ياعمري ويوفقك
سند:انشاءالله وانتي خليك في قرايتك
فرح:ربي معاناا انشاءالله
سند وصلهاا لجامعه ومشا للشركه...

سند بطل الروايه شاب من مدينه بنغازي طلع من البلاد بعد موت اهله هوا واخته قاري انجليزي ومشتغل كم مرا في شركات كبار بس يسيب عشان السكن عمره 29سنه...
مواصفاته:طويل مش عريض واجد عيونه كبار وسود لحيته سوده عصبي بدرجه لا توصف بس حنون معا اخته...

فرح اخت سند عمرهاا22 سنه تقرا طب بشري
مواصفاتهاا:بيضه طولها متوسط عيونها متوسطات لونهن بني...

سند:السلام عليكم
محمد:وعليكم السلام تفضل
سند:انا سند ال... مترجم مشتغل كم مرا في شركات معروفه ونتكلم كم لغه من بنغازي وعايش طرابلس
محمد:كويس ممكن الملف
سند:تفضل
شاف الملف..
محمد:تمام بكل الملف امتاعك مناسب واول ماتجي الانساه شيماء حتبدا شغل..
سند:بسرعه هذي
محمد:اي محتاجينك هلباا
سند:تمام
محمد:راجيها في الانتظار
سند:تمام وطلعع

شيماء مشغله الاغاني بصوت عالي ومصبيها ع الكوبري بسياره وفاتحه الرواشن هي وايمان..

الشاب:اوووو يالقنين
الشاب التاني:يحليلي اني
ايمان:خيركم عمركم ماشبحتو بناتت
الشاب:اي نشبحو بس مش زيكم
شيماء:شني تعزموناا
الشاب:اني يلي نعزمكم وين نتلقوو
شيماء:هاات الرقم
عطهاا الرقم واتفقوو يتلقوو ووصلو للشركه

الرسبشن:انساه شيماء استاد محمد يستنا فيك في المكتب
شيماء:اي اي
ومشتت
شيماء:خير يابويي
محمد:تاخير انخصم منك يوم
شيماء:مايهمش خير شني فيه
محمد:سند ال.... مترجم ويتكلم عدة لغات وحيبدا معاك
شيماء شافت لي سند:شكله باهي يمشي بس لابسه مش متاع شغل
سند يبحت فيها من فوق للوطا:انا جاي نترجم مش نعرض في لابسي
شيماء:شرقاوي
سند:انشاءالله
شيماء:اي غدوا تنلقوو في المقر عشان نطلعو اول رحله
سند:تمام
محمد:خلي رقم تليفونك عشان نبعتلك المقر
سند كتب الرقم وطلع

محمد بات شيماء حاط المساوليه علي خوه ويلي يجي مايكملش معاه عشان يحط في المساوليه ومايدور في حد اهم شي يطلع فلوس ويصرف...

شيماء:لو سمحت
سند:انعم
شيماء:شني قولت اسمك
سند:سند اسمي سند
شيماء:تشرفنا واني شيماء
سند:اها عارف المهم تشرفنا وبكرا نتلقوو
شيماء:تمام سند مشي وجت ايمان تجري
شيماء:خيرك انهبلتي
ايمان:تي مني هدا
شيماء:سند مترجم وحيبدا يشتغل معاي
ايمان:قنين هلباا
شيماء:ماتبلغيش عااد ومشت
ايمان:والله لما نطيحك ومشت معا شيماء

سند:هاا يافرحتي نجيك
فرح:اها كملت المحاظره
سند:مسافة الطريق ونكون عندك
فرح:تمام ماتجريش
سند:تم ياغالي

شيماء مشت هي وايمان للشباب يلي عزموهم..

الشاب:شني نرفعكم لي شقتي
شيماء تاكل:ترفعنا وين
الشاب:للشقتي
شيماء تشبحله بقرف:احني طلعنا مكسدين راه بس احني مش خامرات
الشاب التاني:واضح هلبا انكم مش خامرات
شيماء:هي حبي الحمدالله شبعت
الشاب:جيعانه
شيماء:احني بنات أكبر عايله في البلاد كان تعلم ولو اتعرضلي حيكون آخر يوم في حياتك
الشاب:باهي علي اساس انتم بنات عيت المهدي
شيماء:حق كيف عرفت احني بناتهم ماتفكرش اتعرضلي

وطلعنن
ايمان:طلعتينا معا ناس مانعرفهمش
شيماء:غيرنا جو ولا
ايمان:عارفه اني عاجبني الولد هدا
شيماء:قصدك يلي توا
ايمان:هدا سند يلي جاي ليوم
شيماء:بسم الله مسرع
ايمان:اي قنين ياوخيتي
شيماء:خليك معا حسام خير راه شرقاوي
ايمان:ي حليلي محلاهم الشراقه
شيماء:هههه يشفي انشاءالله
ايمان:والله لما نطيح
شيماء:توا ناخدك معاناا الرحله الجاي عشان تقعدو معا بعض
ايمان:يا حليلي بيك اني

عثمان:وينهاا بنتك الخامره
ربيعه:مني
عثمان:ايمان
ربيعه:رفعتها شيماء معاه
عثمان:هدا يلي فالحه فيه تطلع وترقد
ربيعه:انت يلي عودتهاا
عثمان:ياريتني متت قبل ماجت وطلع

طبعا عثمان بو ايمان واعر هلباا ويخافوو منه كلهم الا ايمان ماتعدلش علاه بكل

سند روح بي فرح وتغدو ودخل كل حد عشان يرقد
شيماء رفعت ايمان لحوشهم وطلعت عشان تقابل my Love😣🖤

هادي:خيرك عطلتي
شيماء:الطريق زاحمه
هادي:اي وين مشيتي ليوم
شيماء:غريب سوالك
هادي:اي مش عاجبك ولا شني
شيماء:اي اء اء كنت
هادي:اي وين كنتي
شيماء:كنت في الشركه وبعدين طلعت اني وايمان تغدينا وروحنا
هادي:انتي وايمان بس طلعتوو
شيماء:اي خيرك
هادي يعلي في صوته:ماتكدبيش علي 🔞
شيماء خافت من صوته:تي خيرك الناس يشبحولناا
هادي:ويشبحو يا ناس هدي بنت عيت المهدي بنت أكبر ناس في البلاد وتطلع معا لولاد
شيماء انصدمت:خيركك انت
هادي:اي هدا الواقع طلعتي معا الولاد اليوم ولا
شيماء تنرفزت وناضت:هيي طز فيك وفي الناس ياخامر انت احترمني خير ياولد الشعبيه اصلا مفروض تكون فرحان اني نحكي معاك
هادي:انتي الخامره واشبحي شني يصير فيك علي كلامك هدا وسلام ولا بلا سلام وطلع كانوو الناس يشبحو ل شيماء ويحكوو
شيماء:هيا كل حد ل مكانه مش ناقصه اني وطلعت ولعت السياره وتجري....

يتبع...
من الحلقه الجايه حيبدا الأحداث المشوقه تفاعلن حبيباتي...🖤👏🥺
تامي الشيخي..🖤😕
Continue reading next part